2023 йилда 1 миллиондан ортиқ аҳоли илк бор ичимлик суви билан таъминланди
Бу ҳақда "Ўзсувтаъминот" АЖ маълум қилди.
"Ўзсувтаъминот" АЖ раҳбарияти иштирокида ўтказилган матбуот анжуманида аҳолини ичимлик суви билан таъминлашда қурилиш ишларининг сифати ва тезкорлиги: қўшма лойиҳалар, эришилган натижалар ва ечимини кутаётган масалалар ҳақида маълумот берилди.
✅2023 йилда барча лойиҳаларнинг амалга оширилиши натижасида, республикадаги 2 мингдан ортиқ маҳалладаги 1,1 млн нафар аҳоли илк бор ичимлик суви билан таъминланиб, 2,5 млн нафар аҳолининг ичимлик сув таъминоти яхшиланди.
✅Марказлашган ичимлик суви билан таъминланмаган 1 134 та аҳоли яшаш пунктига сув таъминоти корхоналарига тегишли 214 та ва бошқа юридик ва жисмоний шахсларга тегишли 1 112 та махсус сув ташиш техникалари орқали ичимлик сувининг узлуксиз етказиб берилиши таъминланди.
✅Эътиборли жиҳати, Республикадаги 2та: Андижон вилояти аҳолисининг ичимлик суви билан таъминланганлик даражаси – 91 фоизга ва Хоразм вилоятида эса бу кўрсаткич – 90 фоизга етказилди.
✅Соҳа бўйича келиб тушаётган мурожаатларни тезкорлик билан ўрганиш учун “СувниАсра” тизими жорий қилиниб, ушбу тизим орқали мурожаатчилар исталган жойдан хабар бериш учун мобил илова яратилди ҳамда @suvmuammobot телеграм боти орқали мурожаат қолдириш имкони яратилди.
