Энди исталган коммунал хизматга ягона ҳисоб-рақам орқали тўлов қилиш мумкин
Тизим 1 июлдан амал қилади.
1 июлдан бошлаб, исталган коммунал хизматга ягона ҳисоб-рақам орқали тўлов тизими жорий этилади.
Ҳудудий электр тармоқлари АЖ ягона ҳисоб-рақам орқали исталган коммунал хизмат учун тўлов қилиш мумкин бўлади: янги биллинг тизими 2024 йил 1 июлдан тўлиқ ишга тушиши ҳақида хабар бермоқда.
Хабарга кўра, электр энергия истеъмолчиларига “ақлли” ҳисоблагичлар ўрнатилиб, электр энергиясини ҳисобга олишнинг автоматлаштирилган тизими жорий этилди. Энди шу тизимни такомиллаштириш мақсадида ягона биллинг тизими ишлаб чиқилмоқда. Тизим 2024 йилнинг 1 июль кунидан бошлаб тўлиқ ишга туширилиши режалаштирилган.
Ушбу тизимнинг мобил иловаси ҳам яратилади. Илова орқали истеъмолчи ўзи амалга оширган тўловлар, истеъмол қилган электр энергияси миқдори, ҳудудида юзага келаётган авариявий ҳолатлар ҳақида маълумотларни онлайн тарзда олиш имконига эга бўлади.
