Метрода қизга шилқимлик қилган эркак қамалди
Ҳолат “Буюк Ипак йўли” бекатида юз берган.
Тошкент метросида бир қизга шилқимлик қилган 31 ёшли эркак 5 суткага қамалди.
Жиноят ишлари бўйича Мирзо Улуғбек судида 31 январь куни бўлиб ўтган суд мажлисида эркак ўз айбига иқрор бўлмади, метро вагонида одамлар кўплигини айтиб, унга қиз орқага йиқила бошлагандек туюлганини важ қилди. Шу сабабли қиз йиқилиб тушмаслиги учун елкасидан ушлаб олган экан.
Бироқ суд жараёнида жабрланувчи унинг сўзларини рад этди. Унинг кўрсатмалари иш материалларида мавжуд бўлган бошқа далиллар билан ҳам тасдиқланди. Бундан ташқари, охирги бекатга етиб келганида, эркак бошқалар билан тушмай, қизни кутди ва унга эргашди.
Суд 31 ёшли эркакни ЎзР МЖтК 41-1 моддаси (Шаҳвоний шилқимлик қилиш) 1-қисмида назарда тутилган жиноятни содир этганликда айбдор деб топди ва унга 5 сутка маъмурий қамоққа олиш жазоси берилди. Шуни таъкидлаш керакки, эркак бир йил ичида худди шундай ҳуқуқбузарликни содир этса, у базавий ҳисоблаш миқдорининг беш бараваридан етти бараваригача миқдорда жаримага тортилади ёки ўн беш суткагача маъмурий қамоққа олинади.
