Адлия вазири Ашита Миттал хоним билан учрашди
Учрашувда Адлия вазирлиги ҳамда БМТнинг Наркотиклар ва жиноятчилик бўйича бошқармасининг Марказий Осиёдаги минтақавий ваколатхонаси ўртасидаги ҳамкорлик истиқболларини муҳокама қилинди.
2024 йил 2 февраль куни Адлия вазирлигида адлия вазири Акбар Ташкулов билан БМТнинг Наркотиклар ва жиноятчилик бўйича бошқармасининг Марказий Осиёдаги минтақавий вакили Ашита Миттал хоним ўртасида учрашуви бўлиб ўтди.
БМТнинг Наркотиклар ва жиноятчилик бўйича бошқармаси гиёҳванд моддаларни суиистеъмол қилиш ва савдосини камайтириш, трансмиллий уюшган жиноятчилик ва коррупцияга қарши курашиш, терроризмнинг олдини олиш ҳамда суд-экспертиза соҳасини ривожлантиришни қўллаб-қувватлайди. Ташкилот доимий равишда гиёҳванд моддаларнинг ноқонуний айланиши, уюшган жиноятчилик, коррупция ва терроризмга қарши курашишда Марказий Осиё мамлакатларига кўмак беради.
Учрашувда Адлия вазирлиги ҳамда БМТнинг Наркотиклар ва жиноятчилик бўйича бошқармасининг Марказий Осиёдаги минтақавий ваколатхонаси ўртасидаги ҳамкорлик истиқболларини муҳокама қилинди.
Учрашув бошида адлия вазири Акбар Тошқулов меҳмонларни қутлаб вазирлик ҳамда ташкилот ўртасида яқин ҳамкорлик алоқалари йўлга қўйилганлигини ҳамда улар жадал суратлар билан ривожланиб бораётганлигини айтди.
A.Mittal ташкил қилинган учрашув учун миннатдорчилик билдириб, Ўзбекистонда амалга оширилаётган кенг кўламли ислоҳотларда Адлия вазирлигининг ўрни муҳим эканлигини таъкидлади.
Учрашув давомида томонлар коррупцияга қарши курашиш ва активларни қайтариш тизимини мустаҳкамлаш, киберхавфсизлик ва шахсга доир маълумотларни ҳимоя қилиш, жиноий судлов ва ҳуқуқбузарликларни олдини олиш бўйича қонунчиликни ҳамда суд экспертиза соҳасида хизмаларни такомиллаштириш мақсадида ўзаро амалий ҳамкорликни янада кучайтиришга келишиб олдилар.
Учрашув якунида томонлар икки ташкилот ўртасида ҳамкорлик дастурини имзолашга келишиб олдилар.
