Янги олий таълим вазири 1-иш кунини талабалар шароитини ўрганишдан бошлади
Дастлабки манзил Жаҳон тиллари университети бўлган.
Олий таълим, фан ва инновациялар вазири Қўнғиротбой Шарипов Ўзбекистон давлат жаҳон тиллари университети талабалар турар жойида бўлди. Вазир ётоқхонада талабалар учун яратилган шароитлар билан танишиб, ёшлар бўш вақтларини қандай ўтказаётганларини кўздан кечирди.
Дастлаб университет масъуллари ёшлар учун яратилган қулайликлар ҳақида маълумот бериб, вазирни муассаса фаолияти билан таништирди. Талабалар турар жойларидаги хоналар, барча шароитларга эга дарсхоналари, маънавият хонаси, ошхона, кир ювиш хоналари, спорт хоналари зарур жиҳозлар, маиший буюмлар билан таъминланган, ҳовлида эса жисмоний машғулотлар учун спорт майдончалари ташкил этилган.
“Сиз каби ёшлар илмли, ватанпарвар, ўз соҳасининг профессионали бўлиши учун сифатли таълимни таъминлаш муҳим вазифамиз. Сизлардан бор кучингизни билим олиш ва билимларингизни хайрли ишларга йўналтиришингиз талаб этилади” – деди вазир.
