“Германияда касбий таълим” лойиҳаси амалга оширилмоқда
Бу йил 10 минг нафар ёшларни немис тилига ўқитиш режалаштирилган.
Ёшларнинг чет тилларини ва касб-ҳунар ўрганишга бўлган эҳтиёжини қондириш, уларни ички ва ташқи меҳнат бозорида рақобатбардош кадрлар сифатида тайёрлаш тизимини янада такомиллаштириш йўналишида бир қатор ишлар амалга оширилмоқда.
Жумладан, “Келажак касблари” лойиҳаси орқали 17 минг нафар ёшлар замонавий касблар ва хорижий тилларни ўрганган бўлса, “Ибрат фарзандлари” лойиҳаси доирасидаги “Ibrat Academy” мобил иловаси ёрдамида мавжуд 22 та тилни 468 минг нафар фойдаланувчилар ўрганмоқда.
Уларнинг 20 минг нафари айнан немис тили курсларини ўрганаётган ёшларни ташкил этади.
2024 йилда 10 минг нафар ёшларни немис тилига ўқитиш, уларнинг 1000 нафарини жорий йилда Германия Федератив Республикасига касбий таълим олиш ва ишга юбориш режалаштирилган.
