Ўзбекистоннинг собиқ бош вазири ўринбосари Москвада вафот этди
Бу ҳақда ТАСС маълум қилди.
Ўзбекистоннинг собиқ бош вазир ўринбосари Валерий Атаев 75 ёшида Москвада вафот этди.
Дастлабки маълумотларга кўра, Атаев табиий сабабларга кўра вафот этган, бироқ полиция томонидан белгиланган тартибда текширув ишлари олиб борилмоқда.
“Ўзбекистон бош вазирининг собиқ ўринбосари Валерий Атаев Ленинский проспектидаги квартирасида вафот этди. У 75 ёшда эди”, — дейди "ТАСС" суҳбатдоши.
Валерий Атаев 1990 йилларда Ўзбекистон энергетика вазири бўлган, кейин бош вазир ўринбосари этиб тайинланган. 2009 йилда у Москвага жўнаб кетган, чунки Ўзбекистонда унга қарши ўғрилик ва мансаб ваколатини суиистеъмол қилиш моддалари бўйича жиноий иш очилган.
У қидирувга берилган ва 2015 йилда Ўзбекистон томонининг илтимосига кўра ҳуқуқ-тартибот идоралари ходимлари уни Москвада қўлга олган, аммо ўша пайтда Атаев аллақачон Россия фуқароси бўлган, шу боис Россия уни Ўзбекистонга экстрадиция қилмаган.
