Лицензияси бекор қилинган нодавлат олий таълим ташкилотларининг бирон-бир талабаси кўчада қолмайди
Олий таълим, фан ва инновациялар вазирлиги хусусий ОТМнинг лицензияси тўхтатилиши ҳақидаги хабарга муносабат билдирди.
Олий таълим, фан ва инновациялар вазирлигининг маълум қилишича, лицензия талаблари ва шартларини қўпол равишда бузганлиги учун 6 та нодавлат олий таълим ташкилотининг тегишли лицензиясини бекор қилиш бўйича судга даъво аризалари киритилган.
Шундан 5 тасининг тегишли лицензияси суд қарорига кўра бекор қилинган, 1 та нодавлат олий таълим ташкилотининг лицензиясини бекор қилиш бўйича суд жараёни давом этмоқда.
Бугунги кунга қадар суд жараёнлари тўлиқ якунланган ва лицензияси бекор қилинган олий таълим ташкилотлари – “Валлей Инновативе Университй”, Урганч шаҳридаги Бинари университетининг барча талабалари тегишли тартибда олий таълим ташкилотларига кўчирилди.
Ҳозирда лицензияси бекор қилинган бошқа олий таълим ташкилотларининг талабаларининг ўқишини кўчириш ишлари ташкил этилмоқда.
