Қашқадарёда ўқитувчилар жанжал чиқарди
Оқибатда улардан бири ҳушидан кетиб йиқилган.
Қашқадарёдаги мактабда ўқитувчилар жанжали содир бўлди. Вилоят Мактабгача ва мактаб таълими бошқармаси ҳолатга муносабат билдирди.
Қайд этилишича, видеотасвирларда Кўкдала тумани мактабгача ва мактаб таълими бўлимига қарашли 89-умумтаълим мактаби директори ўринбосари A.S. ва инглиз тили фани ўқитувчиси B.M.lar ўртасида ўзаро келишмовчилик оқибатида жанжал келиб чиққан. Оқибатда инглиз тили фани ўқитувчиси B.M. ҳушидан кетиб йиқилган.
“Собиқ ўқув ишлари бўйича директор ўринбосари Азизова Сайёра 2023 йил 14 ноябрда ўз аризасига асосан ишдан бўшатилган. 2024 йил 31 январда Чироқчи туманлараро суди қарорига асосан Азизова Сайёра вазифасига қайта тикланган. Аммо мактаб директорининг буйруғи чиқмаган бўлсада, мактаб фаолиятига аралашиб келган. Келишмовчилик оқибатида инглиз тили фани ўқитувчиси B.M. ҳушидан кетиб йиқилган. Мактаб маъмурияти томонидан зарурий ёрдам кўрсатилган ва B.M. турмуш ўртоғи, ўқитувчилар ёрдамида шахсий автомобили билан Қарши шаҳрига тез ёрдамга олиб кетилган”, — деди Кўкдала тумани 89-сонли умумий ўрта таълим мактаби директори Камол Турдиев.
