Ўзбекистон элчиси Россия Ташқи ишлар вазирлигига чақирилди
Вазирлик Шерзодхон Қудратхўжанинг руслар ҳақида айтган гаплари юзасидан норозилик билдирган.
Аввалроқ Ўзбекистон журналистика ва оммавий коммуникациялар университети ректори Шерзодхон Қудратхўжа Ўзбекистонда яшаб ўзбек тилини билмайдиган русларни босқинчилар деб айтганди.
Шу сўзлардан кейин Ўзбекистон элчиси Ботиржон Асадов Россия Ташқи ишлар вазирлигига чақирилган ва ректорнинг гаплари юзасидан норозилик билдирган.
Россия томони бу каби мулоҳазалар мамлакатлар ўртасидаги иттифоқчилик муносабатларига зид эканлигини таъкидлаган.
