Озодбек Назарбековнинг хизмат машинаси йўловчини уриб юборди
Ҳолат Андижон вилоятида содир бўлган.
Ижтимоий тармоқларда маданият вазири Озодбек Назарбековнинг хизмат автомобили велосипеддаги йўловчини уриб юборгани билан боғлиқ хабарлар тарқалмоқда. Ҳолатга вазирлик расмий муносабат билдирди.
Қайд этилишича, мазкур ҳодиса жорий йилнинг 16 февраль куни Андижон вилояти Қорасув шаҳрида содир бўлган.
Жабрланувчи зудлик билан шифохонага олиб борилган ва шифокорлар унга тезкор тиббий ёрдам кўрсатишган. Текширувлар натижасида йўловчининг соғлиғи билан боғлиқ жиддий, хавотирли ҳолат йўқлиги аниқланган.
"Бу борада яна қўшимча ахборот берилади. Шу ўринда, юртдошларимиздан йўлда ҳаракатланиш маданиятига қатъий риоя қилишларини сўраб қоламиз", дейилади хабарда.
