“Бизнесни ривожлантириш банки” АТБ: тезкор, қулай ва сифатли хизматлар

 

“Бизнесни ривожлантириш банки” АТБ Тошкент шаҳар банк хизматлари офиси замонавий талаблар асосида капитал таъмирланиб, фойдаланишга топширилди.

 

 

Тантанали очилиш маросимида банк Кузатув кенгаши ҳамда Бошқаруви аъзолари иштирок этди.

 

 

Мижозлар пойтахт марказида жойлашган мазкур банк хизматларидан фойдаланиши учун барча шароитлар яратилган. Хусусан, ходимлар универсаллашди. Яъни эндиликда мижозлар битта ходим орқали барча операцияларни амалга ошириш имконияти яратилди. Тез ва сифатли хизмат кўрсатиш йўлга қуйилди ва бу банк секторида кўрсатиладиган хизматлар бозорининг энг асосий талабларидан биридир.

 

 

Шу билан бирга, ходимларни мижозларга йўналтирилганлик модели асосида ўқитиш тажрибаси йўлга қўйилди. Бу эса мижозлар билан ишлаш жараёнларининг янада самарали ва сифатли ташкил этилишидаги инсон омили такомиллашувини таъминлаши билан аҳамиятлидир.

 

 

"Бугун юртимизда тадбиркорлик йўналишида фаолият юритиш учун ишчанлик шижоати бўлса бас. Бошқа амалий ва молиявий масалалар бўйича давлат ва жамоат ташкилотлари яқин кўмакчи, ҳамкорга айланган. Ўзимиздан қиёс. Кўп йиллардан буён ушбу банк мижозиман. Менга банкдаги тезкорлик ёқади. Масалан, бугун 10 минут ичида ишим битди", — дейди тадбиркор Роҳила Шарипова.

 

Очилиш маросими доирасида ОАВ ходимлари учун Пресс-тур ҳам ташкил этилди. Журналистлар банкда яратилган шароитлар билан яқиндан танишди.