Кинематография агентлиги директори нодавлат телеканаллар раҳбарлари билан учрашди
Йиғилишда телеканаллар билан ҳамкорлик асосида тенг шерикликда сериаллар ишлаб чиқарилиши келишиб олинди.
Тошкентдаги Renessans киноуйида Кинематография агентлиги директорининг нодавлат телеканаллар раҳбарлари билан учрашуви бўлиб ўтди.
Унда "Mening yurtim", "Milliy", "Renessans", "Sevimli", "Zo'r TV" ҳамда ЎзММА раҳбар ва ходимлари, режиссёрлар иштирок этди.
Давра суҳбати 2023 йил декабрь ойида Президент раислигида ўтказилган Республика Маънавият ва маърифат кенгашининг йиғилишида белгиланган чора-тадбирлар ижросини таъминлаш мақсадида ташкил этилди. Йиғилишда давлат раҳбари томонидан миллий сериалларни ғоявий-бадиий ва техник жиҳатдан жозибали, ҳамма қизиқиб кўрадиган даражага етказиш зарурлиги таъкидланган эди.
Шу мақсадда Кинематография агентлиги нодавлат телеканаллар ўртасида “Ҳар бир сериал бир миссия” номли сериал лойиҳалари учун танлов эълон қилди. Учрашувда ғолиб деб топилган сериал лойиҳалари Агентликнинг 2024 йил тематик режасига киритилиши ва улар асосида телеканаллар билан ҳамкорлик асосида тенг шерикликда сериаллар ишлаб чиқарилиши келишиб олинди.
Шунингдек, йил давомида 200 дан ортиқ киномаҳсулотларни телеканалларга тақдим этилиши белгилаб олинди.
