Фарғонада куёв келинни алдаб, тўй куни қочиб кетди

 

Маълумотларга кўра, келин-куёв телевизордаги реклама ортидан танишиб қолади. Шундан сўнг Тошкентда яшовчи куёв Марғилонга келиб, келинни турли йўллар билан алдаб, ундан пул ундиради.

 

Д.Сафарова уни излаб келган К.Шуҳратовни кўргач, гўёки "бир неча йилдан буён ўзи кутган инсонни учратгандек бўлади". Йигитнинг барча талабларини ҳеч шубҳаланмай бажаради. Жумладан, К.Шуҳратов унга уйланиш мақсадида "уйини таъмирлаш учун" пул сўраганда, тўплаб юрган барча пулларини беради. Йигит уни деб тайёр ишини ташлаб келганини айтади, келгусида таксичи бўлиб ишлаши учун машина сотиб олишга ёрдам сўраганда, ҳеч иккиланмай ота-онасидан пул олиб беради.

 

К.Шуҳратов Д.Сафарова тўйгача никоҳдан ўтиб, яшаб туриш таклифини беради. Сўнг, Д.Сафарова никоҳ ўқитиб ўз уйидан К.Шуҳратовга жой беради. Рўзғор харажатларини барчасини Д.Сафарованинг ўзи кўтаради.

 

Д.Сафарованинг ота-онаси ва ака-укалари "куёвдан" тўй қилишни, никоҳни эл-юртга ошкор қилишни сўрай бошлайди. К.Шуҳратов Фарғона шаҳридаги тўйхонада дабдабали тўй қилишига Д.Сафарова ва унинг яқинларини ишонтириб, тўй кунини белгилайди. Ҳатто таклифномаларни Д.Сафарованинг яқинларига тарқатиб, ҳаммани тўйга таклиф этади.

 

Маълум бўлишичаа, К.Шуҳратов оилали, икки нафар фарзанди бор экан. Уларга ишлаб, пул топиб келишини айтиб, уйидан чиқиб кетган.

 

Суд ҳукми билан фирибгар К.Шуҳратов 6 йилга озодликдан маҳрум қилинди