“Док-1 Макс иши” эртага якунига eтади
Тошкент шаҳар судида якуний ҳукм чиқарилади.
Расмий маълумотларда 69 нафар боланинг ўлимига сабаб бўлгани айтилган “Док-1 Макс” дори воситаси билан боғлиқ жиноят иши бўйича якуний суд қарори 26 февралда эълон қилинади. Суд мажлиси соат 15:00 да Тошкент шаҳар судида бошланади.
Маълумот учун, 2023 йилнинг 11 август куни жиноят ишлари бўйича Тошкент шаҳри суди Ҳиндистоннинг Marion Biotech фармацевтика компанияси дори воситалари, жумладан, “Док-1 Макс” йўтал сиропини истеъмол қилиши оқибатида камида 69 нафар боланинг ўлими билан боғлиқ жиноят ишини кўриб чиқишни бошлаган.
Айбланувчилар 21 киши (16 эркак ва 5 аёл)ни ташкил этади, жумладан, Фармацевтика саноатини ривожлантириш агентлиги собиқ директори С.К. ва Quramax Medikal директори Р.П.
Эслатиб ўтамиз, 2022 йил 30 декабр куни Президент Шавкат Мирзиёев раислигида ўтган йиғилишда давлат раҳбари соғлиқни сақлаш соҳасига тўхталиб, “Док-1 Макс” препаратини қабул қилиш оқибатида болалар ҳаётдан кўз юмгани билан боғлиқ вазиятни қаттиқ танқид қилганди.
