Эронда 3600 йиллик қизил лаб бўёғи топилди
Бу лаб бўёғининг энг қадимги аналоги бўлиши мумкин
Эрон жануби-шарқида археологлар томонидан замонавий лаб бўёғини эслатувчи тўқ қизил рангли шиша топилди. Топилманинг ёши тахминан 3600 йил экани айтилмоқда.
Тадқиқотчиларнинг фикрича, бу лаб бўёғининг энг қадимги аналоги бўлиши мумкин. Бу кашфиёт 2001 йилда, Эрон жануби-шарқидаги бир неча қадимий қабристонларни дарё сув босганидан кейин ва қабрларни ювиб кетганидан кейин қилинган. Улар орасида тошлар билан безатилган шиша ичида тўқ қизил рангли модда борлиги аниқланган.
Бу вақт давомида тадқиқотчилар топилмани батафсил ўрганишди. Натижада, улар объект бронза даврига тегишли эканлигини аниқлашга муваффақ бўлишди. Шу билан бирга, шишанинг шакли ва унинг таркиби замонавий лаб бўёғининг таркибидан унчалик фарқ қилмайди.
