“Бу вақтни беҳуда сарфлаш эди” — Трамп
АҚШ президенти Эрон билан сулҳдан мамнун бўлмаганини айтди.
Дональд Трамп Эрон билан ёзда эришилган ҳарбий сулҳдан мамнун бўлмаганини айтди. У Миссисипи штатида Республикачилар партияси тарафдорлари олдида сўзлаган нутқида келишувни вақтни беҳуда сарфлаш деб баҳолаган.
“Биз кичик бир сулҳ туздик, мен бундан унчалик мамнун эмас эдим. Менимча, бу вақтни беҳуда сарфлаш эди”, — деган Трамп.
Америка етакчиси Эронга қарши ҳарбий операция бошлаш қарорини изоҳлар экан, АҚШнинг бошқа чораси бўлмаганини таъкидлади. Унинг айтишича, можаро анча олдин ҳал қилиниши керак эди ва жанглар тез орада якунланади.
Трамп, шунингдек, Ҳурмуз бўғози орқали бир нечта кеманинг ўтишига рухсат берилганини қайд этган. Унинг фикрича, бундай ёндашув кутилган натижани бермаган.
