Сурхондарёда дарахтлар бетон қопламалардан тозаланди
“Яшил макон” умуммиллий лойиҳаси баҳорги мавсумига тайёргарлик ишлари кўздам кечирилди.
Бош прокуроратура ҳамда Экология, атроф-муҳитни муҳофаза қилиш ва иқлим ўзгариши вазирлиги ҳамкорлигида Сурхондарё вилоятида ўрганиш ишлари олиб борилмоқда.
Ўрганиш давомида “Яшил макон” умуммиллий лойиҳаси баҳорги мавсумига тайёргарлик бўйича амалга оширилган ишлар билан танишилди. Шунингдек, "Алпомиш" МФЙ ҳудудида ташкил этилган “Экология боғи” ҳамда Нуронийлар чойхонаси яқинидаги “Эко боғ” ҳудудида мавжуд дарахтларнинг остки қисми бетонланганлиги аниқланиб, бетон қопламалардан тозаланди.
Шу билан бирга, ўрганишлар натижасида юқорида қайд этилган ҳолатлар ва бошқа камчиликларни бартараф этиш бўйича соҳа масъулларига тегишли кўрсатма ва топшириқлар берилди.
