Тадбиркор мурожаатига беписанд қараган мансабдор жавобгарликка тортилди
Бизнес-Омбудсманнинг маълум қилишича, тадбиркорнинг мурожаати ўз вақтида кўриб чиқилмаган.
Бизнес-Омбудсманга Косонсой туманида фаолият юритувчи тадбиркор “Teks-L” МЧЖ (номи ўзгартирилган) раҳбари мурожаат қилиб, ўз мурожаатида жамиятга газ таъминоти филиали томонидан табиий газ учун лимит ажратиб берилмаётгани ҳамда шартнома расмийлаштириб берилмаганлигини баён қилган.
Тадбиркор мурожаати Бизнес-Омбудсман масъул ходимлари томонидан қонунчиликда белгиланган тартибда ўрганиб чиқилиб, газ таъминоти филиали томонидан табиий газ лимитлари доирасида тадбиркор билан газ етказиб бериш ва қабул қилиш шартномаси тузилиши таъминланди.
Шунингдек, тадбиркорнинг табиий газ лимити ажратиш ва шартнома тузиш тўғрисидаги мурожаатини ўз вақтида кўриб чиқмаганлиги сабабли “Ҳудудгаз Наманган” газ таъминоти филиали мансабдор шахсига нисбатан Ўзбекистон Республикасининг Маъмурий жавобгарлик тўғрисидаги кодексига асосан маъмурий жавобгарлик белгиланиб, тадбиркор ҳуқуқлари тикланишига кўмаклашилди.
