8 мартда томоша қилиш учун ТОП 5 фильм
Улар таъсирли лаҳзалар, ўз-ўзини тушуниш ва дўстлик ҳақидаги муҳим сабоқларга бой.
Миллий кинематоргафияни ривожлантириш маркази 8 март — Халқаро хотин-қизлар куни учун махсус кинолар тўпламини тақдим этди.
"Қаттиққўл хоним"
Бунда нуфузли мода журнали муҳаррирининг ёрдамчиси бўлиб ишга кирган ёш журналист Анжеликанинг ҳаёти экс этган. Бош қаҳрамон мода оламида қийинчиликлар ва синовларга дуч келади. Фильмда касбий ўсишнинг қийинчиликлари, муваффақият қиймати ва инсоннинг ўзлиигига содиқ бўлиши муҳимлиги кўрсатилган.
"7 опа-сингил сири"
Илмий-фантастик триллер аҳоли сонининг ўсиши жиддий муаммо бўлган келажакдаги дунёда бўлиб ўтади. Кинодаги 7 опа-сингил ҳукуматдан оилавий сирини яширишга астойдил ҳаракат қилишади. Фильм драма, оила ва қўллаб-қувватлаш ҳақида ҳикоя қилади.
"Сен билан кўришгунча"
Ушбу фильм бахтсиз ҳодисадан сўнг ногирон бўлиб қолган Уилл исмли бой тадбиркорнинг қаровчиси – Лу исмли ёш аёл ҳақида. Фильм ҳаётнинг қадр-қиммати, яшаш ва ҳар бир лаҳзани қадрлаш муҳимлиги ҳақидаги ҳикоя қилади.
"Маликанинг кундалиги"
Мазкур саргузаштли фильм Миа исмли оддий қизнинг тўсатдан қироллик тахти вориси бўлиши ҳақида ҳикоя қилади. Фильм кулгили вазиятлар, таъсирли лаҳзалар ва ўз-ўзини тушуниш ва дўстлик ҳақидаги муҳим сабоқларга бой.
"Оушеннинг 8 дугонаси"
Режиссёр Гари Росс томонидан яратилган комедик-криминал фильм. Бош ролларда: Сандра Буллок, Кейт Бланчетт, Энн Хетеуэй, Ҳелена Бонҳам Картер, Риҳанна, Сара Полсон ва бошқалар.
