Президент Сирдарёда намунавий томорқаларни бориб кўрди
Мирзиёев: "Томорқа ва уй хўжалиги - аҳоли даромадини оширишда катта манба"
Давлат раҳбари ташриф буюрган Рисолат Ғуломова ўз хонадонидаги 14 сотих томорқанинг 30 % имкониятидан фойдаланётган эди, лекин мутасадди ташкилотлар кўмагида томорқага олма ва ток кўчатлари, уларнинг орасига турли кўкатлар экилди. Шунингдек, икки сотихли иссиқхона қуриб, у ерга 30 туп лимон, қатор ораларида эса помидор ва қулупнай экилди.
Халқимиз ўз ҳаётида сезиши учун ҳамма ишларни маҳаллада ташкил қилаяпмиз. Энди давлат идораларининг бутун имкониятларини ҳар бир кўчага, хонадонга олиб кирамиз. Масалан, маҳаллага бириктирилган банк маблағ бериш билан бирга одамларнинг дунёқарашини ҳам ўзгартиради. Мақсадимиз халқнинг даромадини ошириш, бой қилиш, - деди Шавкат Мирзиёев
Сайхунободликлар томорқадан бундай кенг фойдаланишга катта қизиқиш билдиришди, мутасаддилар бу тажрибани кенгайтиришга ваъда берди.
