Тошкент вилоятидаги заправкада портлаш юз берди
Ҳолат юзасидан расмий муносабат билдирилди.
Ижтимоий тармоқда Тошкент вилоятининг Тошкент туманидаги метан заправкада Damas автомашинаси портлаб кетгани ҳақида хабарлар тарқалди.
Расмий хабарга кўра, 15 март куни соат 19:30 ларда Тошкент туманида жойлашган газ қуйиш шохобчасида 1984 йилда туғилган фуқаро Д.Д.га тегишли бўлган "Газ 322132" русумли транспорт воситасига газ тўлдириш вақтида автомашинага ўрнатилган газ баллонининг трубкасида чақнаш содир бўлган. Шундан сўнг босим билан газ баллони ҳимоя қопқоғи чиқиб кетиши оқибатида газ қуйиш шохобчаси том қисми ва транспорт воситасига зарар етган.
Ушбу ҳолат натижасида фуқаролар соғлиғига зиён етмаган.
