Энди ўқишга киролмаган ўғил болалар мажбурий ҳарбий хизматга юборилиши мумкин
Алишер Қодиров ушбу таклифни илгари сурмоқда.
"Миллий тикланиш" демократик партияси раиси Алишер Қодиров ўқишга киролмаган ўғил болаларни мажбурий ҳарбий хизматга жалб қилишни таклиф қилди.
"Тарбия масаласида кескин қарорлардан қочмаслик керак.
Мактабни тугатган, ўқишга кирганлардан ташқари барча ўғил болаларни тўловларсиз, бир йиллик мажбурий ҳарбий хизматга жалб қилиш лозим. Тартиб ва масъулиятни мактаб ва ҳарбий хизматда ўргатмасак, қамоқхонада ҳеч қачон ўргатиб бўлмайди.
Ўзбекистонни эркинликни ҳадсизлик деб биладиган, атлас костюм хунасалар эмас, ўз қадрини биладиган, тафаккур қиладиган ўғил-қизлар ривожлантиради", деган у.
