Сирдарёда эркак рашк сабаб бошқа эркакни кўр қилиб қўйди
Жабрланувчи судда ундан 200 млн маънавий зарар талаб қилган.
Сирдарёда эркак хотинини рашк қилиб, бошқа бир эркакни кўр қилиб қўйди. Бу ҳақда "Zamon" дастурида хабар берилди.
Маълум бўлишича, эркак жаҳл устида хотинига СМС ёзганликда гумон қилиб, бошқа эркакка жиддий тан жароҳати етказган.
Даъвогар мушт зарбидан олган тан жароҳатлари билан вилоят тиббиёт бирлашмасига мурожаат қилган ва бир кўзи операция қилинган. Жабрланувчи судда жанжалда оғир тан жароҳати олганини, адвокат хизматидан фойдалангани учун 15 млн сўм моддий зарар кўрганини айтган. Маънавий зарар учун эса 200 млн сўм талаб қилган.
Судга оид тиббий-экспертиза хулосасига кўра, жавобгарнинг жиноий қилмиши натижасида даъвогарнинг меҳнат қобилиятининг 65 фоизини йўқотилишига сабаб бўлган.
Суд ҳукмига кўра, жавобгардан даъвогарга 15 млн сўм моддий, 60 млн сўм маънавий зарар ундириш белгиланган.
