Қашқадарёдаги тарихий обидалар қулаб тушяптими?
Тармоқда тарқалган хабарларга расмий изоҳ берилди.
Ижтимоий тармоқда Қашқадарё вилоятидаги тарихий обидалар қулаб тушаётгани айтилган хабарлар тарқалди. Бунга Маданий мерос агентлиги муносабат билдирди.
Қайд этилишича, Маданий мерос агентлигининг 2023 йил 1 июндаги 8-сонли баёнида Хўжа Илм Кон мақбараси ва масжидининг реставрация масаласи муҳокама қилинган. Ушбу зиёратгоҳни таъмирлаш юзасидан экспертиза хулосасига таянган ҳолда объектни таъмирлаш учун давлат бюджетидан маблағ ажратилган. Таъмирлаш ишлари 2024 йилда амалга оширилади.
Хўжа Илм Кон мақбараси ва масжиди Ўзбекистон Республикаси Вазирлар Маҳкамасининг 2019 йил 4 октябрдаги “Моддий маданий мероснинг кўчмас мулк объектлари миллий рўйхатини тасдиқлаш тўғрисида”ги 486-сонли қарори билан давлат муҳофазасига олинган.
