Рамазон ҳайитида неча кун дам олинади?
Бу бўйича тахминий саналар эълон қилинди.
Ҳуқуқшунос Хушнудбек Худойбердиев ўзининг телеграм-каналида Рамазон ҳайити арафасида ўзбекистонликлар неча кун дам олиши ҳақида ёзди.
Таъкидланишича, Рамазон ҳайитининг биринчи куни ҳозирча аниқ эмас. Шариат қоидалари бўйича Ҳайит куни янги ой кўринишига қараб белгиланади.
Ҳозирги режага кўра, Рамазон Ҳайитида кетма-кет 3 кун дам олиш куни бўлиши кутилмоқда.
Булар:
- 10 апрель, чоршанба — Рамазон ҳайити куни;
- 11 апрель, пайшанба — барча учун қўшимча дам олиш куни;
- 12 апрель, жума — 6 кунликларга қўшимча дам олиш куни, 5 кунликларга 13 апрель, шанбадан кўчирилган дам олиш куни;
- 13 апрель, шанба — барча учун иш куни;
- 14 апрель, якшанба — барча учун дам олиш куни.
Рамазон ойининг 30-куни 9 апрель, сешанба кунига тўғри келмоқда. Агар янги ой кўриниши ўзгармаса, унда Рамазон Ҳайити 10 апрель, чоршанба кунига тўғри келиши мумкин.
Президент фармонига кўра, 11 апрель, пайшанба куни барча ходимларга қўшимча дам олиш куни этиб белгиланган. 12 апрель, жума куни эса 6 кунликларга қўшимча дам олиш куни, 5 кунликларга эса 13 апрель, шанбадан кўчирилган дам олиш куни бўлади.
