Хакерлар Қурилиш вазирлиги сайтига ҳужум қилдими?
Тармоқда тарқалган хабарларга расмий изоҳ берилди.
Қурилиш ва уй-жой коммунал хўжалиги вазирлигининг "Кўп квартирали уйларни улуш киритиш асосида қуриш" электрон платформаси ИШИД жангарилари томонидан бузиб кирилган.
Хакерлар ww.rd.mс.uz ҳаволаси орқали кириладиган тизимга "Сизнинг тизимингиз ИШИД томонидан бузилган. Биз шу ердамиз" дея ёзиб қолдирган.
“Бугун, 26 март куни Қурилиш ва уй-жой коммунал хўжалиги вазирлигининг mc.uz расмий сайтидаги rd.mc.uz ҳаволаси хакерлар ҳужуми туфайли бузилган эди. Айни пайтда расмий сайт ишлаётганини ва ушбу ҳаволадаги фаолият қайта тикланаётганини маълум қиламиз”, — дейилади расмий хабарда.
Расмий сайт фаолиятида ҳеч қандай узилишлар бўлмаган.
