Қашқадарёда судья пора билан қўлга тушди
Судьялар олий кенгаши хабарига кўра, унинг судьялик ваколати тўхтатилган.
Қашқадарё вилояти фуқаролик ишлари бўйича Чироқчи туман судининг судьяси A.Б. 200 АҚШ доллари миқдорида пора олаётганда ушланган. Бугун Судьялар олий кенгашининг йиғилиши бўлиб ўтди. Унда Бош прокурорнинг фуқаролик ишлари бўйича Чироқчи туманлараро суди судьяси А.Б.ни Жиноят кодексининг 210-моддаси тегишли қисми билан жиноий жавобгарликка тортишга оид тақдимномаси муҳокама қилинди, дейилади кенгаш матбуот хизмати хабарида.
Якунда Кенгаш хулосаси билан А.б.ni жиноий жавобгарликка тортишга розилик берилди ва унинг судьялик ваколати тўхтатилди. Тергов сири ва айбсизлик презумпцияси талабларидан келиб чиқиб, бошқа тафсилотлар ошкор қилинмайди.
