Тошкентда яна метро тўхтаб қолди
Маълум қилинишича, 36 йилдан бери ишлатилаётган поездда нозослик кузатилган.
Ижтимоий тармоқларда Чилонзор метро бекатида поезд тўхтаб қолгани ҳақида хабарлар тарқалмоқда. Ҳолат юзасидан метрополитен расмий муносабат билдирди.
Қайд этилишича, бугун соат 11:48 лар атрофида метро йўналишларида қарийб 38 йилдан буён фойдаланиб келинаётган 21-сонли ҳаракат таркибининг компрессорида ҳаво билан таъминланишида қисқа узилишлар кузатилган. Шу боисдан, белгиланган йўриқномага асосан, машинист томонидан йўловчилар ва ҳаракат хавфсизлигини таъминлаш мақсадида йўловчилар Чилонзор бекатига туширилган. Шундан сўнг ортдан келаётган бошқа ҳаракат таркиби орқали тиркамага олинган ҳолда текширув йўлаги томон юборилган.
Ҳозирги вақтда йўналишда поездлар ҳаракати белгиланган жадвал асосида амалга оширилмоқда.
