Шимолий Корея “янги турдаги” ракетани синовдан ўтказди
Сеул навбатдаги провокацияда деб атамоқда.
Ракета тахминан 600 км масофани босиб ўтиб, Корея яримороли ва Япония ўртасидаги денгизга қулаган.
Сеул КХДР гипертовушли каллакка эга ўрта масофали ракетани синовдан ўтказиши мумкинлигини истисно этмаяпти. Жанубий Корея олий қўмондонлиги қўшни давлатни навбатдаги провокацияда айблади. Ракета синови маълумотлари АҚШ ва Япония билан ҳамкорликда таҳлил қилинмоқда.
Yonhap миллий агентлиги хабарига кўра, Жанубий Корея ҳарбийлари Шимолий Корея гипертовушли каллакка эга ўрта масофали ракетани синовдан ўтказиши мумкинлигини истисно этмаяпти. Пхенян маълумотларига кўра, “янги турдаги” ўрта масофага учувчи гипертовушли ракета учун қаттиқ ёқилғида ишлайдиган реактив двигателнинг сўнгги муваффақиятли синови март ойида ўтказилган. Бу стратегик аҳамиятга эга қурол тизими эканлиги расман хабар қилинган эди. Бу ракета ядровий каллак билан ҳам жиҳозланиши мумкинлигини кўрсатди.
Гиперсоник ракеталарни тутиб олиш анча қийин, чунки улар товуш тезлигидан беш баравар кўпроқ ҳаракатланади ва юқори маневрга эга.
