Машҳур футбол клуби мушук билан шартнома имзолади
Унга бир жуфт махсус футболка тақдим этилган.
Красноярскнинг “Енисей” футбол жамоаси адашган мушук Лева билан шартнома имзолади. Бу ҳақда клуб ижтимоий тармоқлардаги саҳифасида маълум қилди.
“Леванинг тўртта оёқлари бор, бу унга кўпроқ гол уришга ёрдам беради. Шунингдек, мушук ҳар доим клубга яқин бўлиши учун унга иккита футболка совға қилинади”, - дейилади клуб матбуот хизмати хабарида.
Жамоа раҳбари билан тузилган шартномага мушук панжаси билан имзо чеккан. Интернетда мушукнинг жамоага кутиб олиниши акс этган видеолар жойлаштирилиб, у билан тузилган ҳужжат ҳам илова қилинган.
Кейинроқ маълум бўлишича, клуб уйсиз ҳайвонларга ғамхўрлик қилиш мақсадида ушбу мушукни ўз қарамоғига олган.
