Озода Нурсаидова Жаҳонгир Отажонов билан судлашмоқчи
Бироз аввал Нурсаидованинг синглиси ҳам Отажоновга қарши кескин фикрлар билдирганди.
Бир неча кун олдин Отажонов интервьюларининг бирида Озода Нурсаидова билан Муниса Ризаева ҳақида танқидий фикр билдириб, уларни «Артист» мусиқий танловида ҳакамлик қилишга нолойиқ деб айтганди.
"Ёшларнинг маҳоратини белгилаш улар учун эмас. Поп йўналишидан у ёғига ўта олмайдиганлар яхши ашула айта оладиган болани муҳокама қилишяпти", деганди хонанда.
Жаҳонгир Отажоновнинг сўзларига кўра, ушбу видео интернетда тарқалгач, Озода Нурсаидова у билан шахсан боғланиб, судга бериш билан таҳдид қилган.
Эслатиб ўтамиз, куни кеча Озода Нурсаидованинг синглиси Нилуфар Нурсаидова ҳам интернетда чиқиш қилиб, Жаҳонгир Отажоновнинг кирдикорларини фош қилишини айтганди.
