Ҳайит куни Тошкентда автобуслар текин бўлади
Фуқароларга байрам куни жамоат транспортидан фойдаланиш тавсия қилинди.
Рамазон ҳайити байрами куни Тошкентда автобуслар бепул хизмат кўрсатади.
Қайд этилишича, фуқароларга қўшимча қулайлик яратиш, йўлларда пайдо бўладиган тирбандликларнинг олдини олиш мақсадида 10 апрель Рамазон ҳайити куни «Тошшаҳартрансхизмат» АЖ тасарруфидаги автобус ва электробуслар соат 04:00 дан 10:00 га қадар йўловчиларга бепул хизмат кўрсатади.
“Пойтахтимиз аҳолиси ва меҳмонларидан байрам кунлари ўз манзилларига етиб олишда жамоат транспорти хизматларидан фойдаланишни сўраб қоламиз”, дейилади хабарда.
