Самарқандда ноқонуний қазилган олтин савдоси фош бўлди
Бу бўйича икки киши қўлга тушган.
ДХХ Самарқанд вилояти бошқармаси ҳамда Иқтисодий жиноятларга қарши курашиш Департаменти вилоят бошқармаси ходимлари Пахтачи туманида тезкор тадбир ўтказди.
Шу туманда яшовчи Ғ.Ш. ва К.И. таркибида олтин бўлган руда тошларини “Қорақўтон” олтин кони ҳудудидан ноқонуний равишда қазиб олиб, яшаш манзилида қайта ишлаш орқали соф олтин қуйма шаклига келтирган ҳолда маҳаллий фуқарога унинг 145 граммини 205 млн сўмга сотаётган вақтда қўлга олиниб, процессуал тартибда ҳужжатлаштирилган.
Ҳозирда ушбу шахсларга нисбатан Жиноят кодексининг тегишли моддалари билан жиноят иши қўзғатилиши режалаштирилиб, суриштирув ҳаракатлари олиб борилмоқда.
