Термизда янги жоме масжиди фойдаланишга топширилди
У салкам 2,5 минг намозхонни сиғдира олади.
Рамазон ҳайити арафасида Термиз шаҳридаги Намуна маҳалласи ҳудудида 2 минг 400 ўринли жоме масжиди фойдаланишга топширилди.
Эслатиб ўтамиз, Президент 2019 йил апрель ойида Сурхондарё вилоятига ташрифи чоғида маҳалладаги Султон Саодат мақбарасини зиёрат қилиб, ушбу қадамжо улкан маънавий мерос, мусулмонлар учун табаррук маскан эканини таъкидлаган, унинг тарихини мукаммал ўрганиш, Халқимизга ва чет элликларга етказиш, мажмуа ҳудудини археологик ўрганиш асосида уни ободонлаштириш, Имом Бухорий, Имом Термизий мақбараларидек катта ва гўзал зиёратгоҳга айлантириш юзасидан тегишли топшириқ берган эди.
Жоме масжиднинг очилиш маросимида Дин ишлари бўйича қўмита раисининг биринчи ўринбосари Д. Махсудов, Ўзбекистон мусулмонлари идораси раиси ўринбосари М. Муҳамадсидиқов қатнашди.
