Андижонда юрист пора билан қўлга тушди
Ҳозирда унга нисбатан жиноий иш очилган.
Андижонда тадбиркордан 1 000 АҚШ доллари талаб қилган юрисконсульт ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, Андижон шаҳар электр таъминоти корхонаси юрисконсульти г.Э. “E.H.” МЧЖнинг 57 млн сўмлик электр энергиясидан ноқонуний фойдаланганлиги ҳолати бўйича расмийлаштирилган далолатнома ва тўпланган ҳужжатларни ҳуқуқни муҳофаза қилиш органларига юбормасдан, етказилган зарарни йўқ қилиб бериши эвазига 1 000 АҚШ доллари талаб қилиб, шундан 400 АҚШ доллари ва 5 млн сўмни таниши Ф.Б. орқали олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
