Тошкентда 3 та машина аварияга учради
Оқибатда барча ҳайдовчи тан жароҳати олган.
Кеча, 11 апрель куни Тошкент шаҳрининг Янгиҳаёт туманида учта автомашина иштирокида йўл-транспорт ҳодисаси юз берди.
Ҳолат соат 21.50 ларда Янгиҳаёт тумани Қўрғонтепа 1-тор кўчасида содир бўлган. Унда Bestune, Cobalt ва Damas русумли автомашиналар ўзаро тўқнашиб кетган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
ЙТҲ натижасида 3 нафар ҳайдовчиларга тез тиббий ёрдам ходимлари томонидан биринчи ёрдам кўрсатилиб шифохонага олиб кетилган.
