Қашқадарёда 18 ёшли қиз жинсий тажовузга учради

Ижтимоий тармоқда Қашқадарё вилояти Чироқчи туманида вояга етмаган қиз самосуд йигитлар томонидан самосуд қилингани айтилган видеолар тарқалди. Ҳолат юзасидан Болалар омбудсмани расмий муносабат билдирди.

 

Қайд этилишича, 24 апрель куни Қашқадарё вилояти Чироқчи туманида яшовчи фуқаро O.Ю. дан мурожаат келиб тушган.

 

Мурожаатда 2006 йилда туғилган қиз Б. Б. га нисбатан жинсий тегажоғлик қилиниб, бу видеога олинганлиги ва тасвирни тарқатиш билан таҳдид қилинаётганлиги билдирилган.

 

Аниқланишича, 2023 йил июль ойида Б. Б. га Ш. Х. томонидан жинсий тегажоғлик қилиниб, бу ҳолат бошқа шахс томонидан телефон орқали видеотасвирга олинган. Кейинчалик Ж. М видеотасвирни тарқатиб юбориш билан қўрқитиб, қиздан товламачилик йўли билан пул олган, аммо шундан кейин ҳам видеотасвирни тарқатиш билан таҳдидни давом эттириб, товламачилик қилиб келган.

 

Мазкур ҳолат бўйича Б. Б. 2024 йилнинг 30 март кунига келибгина туман ИИБга ариза билан мурожаат қилган.

 

Терговга қадар текширув доирасида судга оид тиббиёт, криминалистика ва биология экспертизалари тайинланган.

 

Жорий йилнинг 8 апрель куни ЖКнинг 25-моддаси (Жиноятга тайёргарлик кўриш ва жиноят содир этишга суиқасд қилиш) орқали 118-моддаси 1-қисми (Номусга тегиш) ва 165-моддаси 1-қисми (Товламачилик) билан жиноят иши қўзғатилган.

 

Ҳозирда жиноят иши бўйича дастлабки тергов ҳаракатлари олиб борилмоқда.

 

Мазкур жиноят иши Қашқадаё вилояти прокуратураси назоратида, Болалар омбудсмани бу борада ўз кузатувини давом эттирмоқда.