“Титаник” йўловчисининг соати аукционда сотилди
У кема буюмлари орасида энг қиммат нархга сотилган ёдгорлик бўлди.
27 апрель, шанба куни Буюк Британияда бўлиб ўтган аукционда “Титаник” йўловчиларидан бирининг тилла чўнтак соати рекорд суммага сотилди. Америкалик миллионер Жон Жейкоб Асторга тегишли бўлган ушбу аксессуар ўзининг янги эгасига 1,175 миллион фунт стерлингга сотилди.
Энг юқори нархни таклиф қилган харидор АҚШдан келган, исми ошкор этилмаган коллектор бўлди.
Аукцион уйи маълумотларига кўра, Астор соати кимошди савдосига қўйилган энг қиммат “Титаник” ёдгорлиги бўлди. Бундан аввал 2013 йили худди шу аукционда табиий офат пайтида чалинган скрипка 1,1 миллион фунт стерлингга сотилган эди.
