Чинозда 15 ёшли қиз чуқурга тушиб кетди
ФВВ унинг аҳволи ҳақида маълумот берди.
Кеча, 28 апрель куни Тошкент вилоятининг Чиноз туманида 15 ёшли қиз эҳтиётсизлик сабаб чуқурга тушиб кетди. Бу ҳақда Фавқулодда вазиятлар вазирлиги хабар бермоқда.
Қайд этилишича, соат 19:36 да Чиноз тумани «Ҳамза» МФЙ Ш. Рашидов кўчасида истиқомат қилувчи фуқаронинг 15 ёшли қизи ўз эҳтиётсизлиги оқибатида ҳовлисидаги чуқурликка тушиб кетганлиги ва уни олиб чиқишда амалий ёрдам сўраб, Чиноз тумани ФВ бўлимига ташвишли хабар келиб тушган.
Қутқарувчилар зудлик билан айтилган манзилга етиб бориб, махсус қутқарув асбоб-анжомлар ёрдамида қизни чуқурликдан соғ-саломат чиқариб олган ва психологик ҳамда биринчи тиббий ёрдам кўрсатиш мақсадида тиббиёт ходимларига топширган. Қизнинг аҳволи яхши бўлганлиги сабабли шифохонадан уйига жавоб бериб юборилган. Ҳозирда унинг аҳволи яхши.
