Ботир Қодиров ва Жўраевлар ўртасидаги суд бошланди
У ёпиқ тарзда кўриб чиқилмоқда.
Бугун, 2 май куни фуқаролик ишлари бўйича Тошкент шаҳар Учтепа туман судида хонанда Ботир Қодировнинг оталикни белгилаш бўйича киритган даъво аризаси юзасидан суд иши бошланди.
Маълум бўлишича, судда Шоҳжаҳон Жўраев ва Зоҳиршоҳ Жўраев томонидан вакил сифатида қатнашаётган адвокатлар судни ёпиқ тарзда ўтказилишини сўраган. Ботир Қодировнинг вакили ҳам бу таклифни қўллаб-қувватлагач, суд ёпиқ тарзда ўтказилиши белгиланди.
Ҳозирда томонлар ўртасида оталикни белгилаш бўйича суд давом этмоқда.
