Британиялик аёл балиқ тутиб рекорд ўрнатди
У энг оғир балиқни тутган аёл сифатида эътироф этилди.
Британиялик аёл 32,9 килограмм оғирликдаги сазан балиқни тутиб, янги рекорд ўрнатди.
Кембрижширда балиқ овлаётган Наоми Тёрнерга омад кулиб боқди. Аёл кўлда икки кун ўтирди, лекин катта балиқни ушлай олмади. Кейин у тактикани ўзгартиришга ва қармоқни чуқурроққа ташлашга қарор қилди. Тез орада у жуда катта нарсага дуч келди.
Маълум бўлишича, у улкан сазанга дуч келган. Тарозидан сўнг Тёрнер бирданига иккита рекорд ўрнатгани маълум бўлди. У мамлакат тарихида энг катта сазанини тутган аёл сифатида рекорд қайд этди.
Эслатиб ўтамиз, аввалги рекорд балиқ 30,8 килограммни ташкил қилган.
