Таниқли актёр Машраб Кимсанов вафот этди
Ўзбекистонда хизмат кўрсатган артист 69 ёшида, узоқ давом этган хасталикдан сўнг бу ёруғ оламни тарк этди.
Бу ҳақда Ўзбекистон Киноарбоблари ижодий уюшмаси хабар берди. Уюшма марҳумнинг оила аъзолари, яқин ҳамкасблари ҳамда бутун ижод аҳлига чуқур ҳамдардлик изҳор қилган.
Маълумот учун, Машраб Кимсанов "Водиллик келин", "Оловли йўллар", "Отамдан қолган далалар", "Масхарабоз", “Умид”, “Зебузар”, “Ҳаёт мамот”, “Ҳақиқий эркаклар ови”, "Сеҳрли қалпоқча", "Онагинам орзуси" каби кўплаб фильмларда эсда қоларли ролларни ижро этган. Шунингдек, ижодкор "Тоғлик куёв" фильмининг постановкачи режиссёри ҳисобланади.
Zamon.uz жамоаси марҳумнинг яқинларига чуқур таъзия билдиради.
