Бугундан “Кино ва ёшлар” ҳафталигига старт берилди
У 10 майгача давом этади.
Ҳафталик муносабати билан бугун Ренессанс кино уйида Кинематография агентлиги буюртмасига биноан суратга олинган “Аёл қисмати” бадиий фильмининг намойиши бўлиб ўтди. Унда Агентлик ҳамда Учтепа туман ҳокимлиги вакиллари, фильм ижодкорлари, туман ёшлари, ОАВ ходимлари иштирок этди.
Намойиш аввалида фильм режиссёри Дилмурод Масаидов "Аёл қисмати" фильмининг суратга олиш ғояси ва съёмка жараёнлари ҳақида гапирди.
Маълумот учун, “Аёл қисмати” бадиий фильми 2022 йилда Кинематография агентлиги ва Давлат хавфсизлик хизмати ҳамкорлигида “Дилшоҳ медиа” киностудияси томонидан суратга олинган. Унда адашган аёллар қисмати ва “Меҳр операцияси” ҳақида ҳикоя қилинади. Фильмда бош ролни Ўзбекистонда хизмат кўрсатган артист Раъно Шодиева ижро этган.
Ҳафталик 10 майгача давом этади. Унинг доирасида «Мерос», "Ўзбек қизи", «Самурай» каби фильмларнинг намойиши кутилмоқда.
