15 нафар ўзбекистонлик Россиядан мажбуран чиқариб юборилади
Мигрантлар йўл бўйида оммавий муштлашиб кетган.
Краснодар вилоятининг Туапсе шаҳрида оммавий муштлашув уюштирган 15 нафар Ўзбекистон фуқароси мамлакатдан чиқариб юборилиши маълум бўлди.
Ижтимоий тармоқларда оммавий муштлашув акс этган видеолар тарқалди. Унда бир гуруҳ фуқаролар йўл бўйида муштлашиб, бир-бирига тан жароҳати етказган.
Шунган сўнг, 2024 йил 24 апрель куни Туапсе шаҳрида бўлиб ўтган муштлашувда қатнашган 15 нафар шахс Ўзбекистон фуқаролари экани аниқланди. Уларнинг барчасига нисбатан маъмурий жавобгарликка тортиш тўғрисида қарор қабул қилинган.
Қўлга олинганлар нефтни қайта ишлаш заводида иш олиб бораётган ташкилот ходимлари бўлган.
