Қорақалпоғистонда “метан заправка” жаримага тортилди
Маълум бўлишича, шохобча мувофиқлик сертификатисиз маҳсулот сотган.
Қорақалпоғистон Республикасида жойлашган автомобилларга газ тарқатиш компрессор шохобчасига мувофиқлик сертификатисиз маҳсулот учун жарима қўлланилди.
Ўтказилган текширишда автомобилларга газ тарқатиш компрессор шохобчаси томонидан 222,64 миллион сўмлик сиқилган табиий газ маҳсулоти мувофиқлик сертификатисиз реализация қилинганлиги аниқланган.
Аниқланган ҳолатлар юзасидан МЖтКнинг 214-моддаси 1-қисми билан маъмурий баённома расмийлаштирилган. Шунингдек реализация қилинган маҳсулот қийматининг 50 фоизи миқдорида жарима қўллаш мақсадида иқтисодий судга киритилмоқда.
Ички ёнув двигателлари учун сиқилган табиий газ маҳсулотни сертификатлаштириш юзасидан ёзма кўрсатма берилди.
