Тошкентни яна “сув босди”
Ҳокимлик ҳолат бўйича маълумот берди.
Бугун, 5 май куни пойтахтда кузатилган кучли ёғингарчилик сабаб шаҳарнинг айрим ҳудудларига сув тўпланди.
Ҳокимлик хабарига кўра, Яшнобод туманининг “Маҳтумкули” кўчасидаги ариқларда ва автомобиль йўлида сув тўпланиши ҳолати кузатилгаан, мазкур ҳолат ҳайдовчиларга ва айниқса, пиёдаларга катта ноқулайлик туғдирган. Шаҳар ва туман коммунал хизматлари томонидан сув тўпланиши ҳолати бартараф этилган ва автомобиль йўли нормал ҳолатга келтирилган.
Қўшимча қилинишича, ушбу вазиятнинг ягона сабаби – чиқиндиларнинг белгиланган жойларга эмас, балки йўлларга ва ариқларга ташлаб кетилиши.
“Туманимиз ободлиги, қулайлиги, тозалигига бефарқ бўлмайлик! Туманимизни саришта сақлаш бизнинг, сизнинг – барчамизнинг масъулиятимиз. Келажакда бундай ҳолатлар қайтарилмаслиги учун чиқиндиларни фақат белгиланган жойга ташлашингизни, бу орқали, туманимиз озодалигига ўз ҳиссангизни қўшишингизни сўраймиз!”, дейилади туман ҳокимлиги хабарида.
