Қирғиз-тожик чегарасида отишма юз берди

Қирғизистон-Тожикистон давлат чегарасида ўқотар қуролдан фойдаланиш билан боғлиқ ҳодиса юз берди. Бу ҳақда Қирғизистон Миллий хавфсизлик давлат қўмитаси хабар берди.

 

Департамент маълумотларига кўра, тахминан соат 12.20 ларда Боткен вилояти Лейлек тумани Оқ-Босоғо аҳоли пункти яқинида Қирғизистон чегарачиси чорва молларини ўлаётган тожикистонлик чўпонларни кўриб қолган.

 

Тожикистон фуқаролари чегарачиларнинг Қирғизистон ҳудудини тарк этиш талабига эътибор бермай, ҳарбий хизматчиларга тош отишни бошлаган. Чўпонлардан бири Қирғизистон Республикаси чегара хизмати йўналишида бир неча марта ўқ узган.

 

Вазият кескинлашувининг олдини олиш мақсадида Қирғизистон чегарачилари ҳавога огоҳлантирувчи ўқ узган, шундан сўнг чўпонлар Тожикистон ҳудудига қочиб кетишган.

 

Қирғизистон Республикаси чегарачилари орасида қурбонлар йўқ. Тасдиқланмаган маълумотларга кўра, Тожикистон Республикаси фуқароларидан бири оёғидан яраланган.

 

“Аммо жароҳат қандай шароитда, қачон ва қаерда олингани номаълум, чунки Тожикистон ҳуқуқ-тартибот идоралари фақат фотосуратни тақдим этишган”, — дейилади Чегара хизмати хабарида.

 

Яқин орада томонларнинг учрашуви бўлиб ўтиши кутилмоқда. Ҳозирда икки давлат чегарасидаги вазият барқарор экани айтилмоқда.