Янги СОVID-19 штамми бир нечта қитъага тарқалди: ЖССТ хавф ортаётганидан огоҳлантирди
Янги коронавирус штамми Канада, АҚШ ва Европада аниқланган.
Жаҳон соғлиқни сақлаш ташкилоти (ЖССТ) янги PJ.2.1 коронавирус вариантининг дунё бўйлаб тарқалиш хавфи ортиб бораётганини маълум қилди. Бу ҳақда ташкилотнинг Россиядаги ваколатхонаси РИА Новости агентлигига хабар берган.
ЖССТ маълумотларига кўра, ушбу вариант илк бор 2026 йил май ойида Канаданинг Онтарио провинциясида аниқланган. Шундан буён у бир нечта қитъага, жумладан, Канада, АҚШ ва Европага тарқалган. Халқаро қатновлар давом этаётгани сабабли унинг бошқа мамлакатларда ҳам аниқланиш эҳтимоли ортмоқда.
Шу билан бирга, ташкилот PJ.2.1 варианти SARS-CoV-2 вирусининг яқинда аниқланган бошқа турларига қараганда касалликни оғирроқ келтириб чиқаришини тасдиқловчи клиник маълумотлар ҳозирча мавжуд эмаслигини таъкидлаган.
