UzAutoMotors 4500 та Lacetti автомобилларини сотувга чиқармоқда
Шартнома тузиш эртага бошланади.
8 май куни соат 10:00 да 4 500 дона Chevrolet Lacetti автомобили учун контрактация очилиши режалаштирилган. Барча автомобиллар олиб кетиш имконияти билан шартнома тузиш учун мавжуд бўлади.
Шунингдек, Damas ва Labo автомобиллари учун ҳам шартнома тузиш мумкин. Автомобиллар нархи ўзгаришсиз қолади.
Бундан ташқари, UzAuto Motors автозаводи яқин кунларда Chevrolet Cobalt автомобилини янгиланган модификацияда ишлаб чиқаришни бошлайди. Унда экстерернинг қисман рестайлинги мавжуд бўлади. Янгиланган автомобиллардаги ўзгаришлар ва контрактация вақти ҳақида кейинроқ хабар берилади.
Chevrolet Cobalt, Damas ва Labo автомобиллари учун шартнома тузиш фақат savdo.uzavtosanoat.uz сайти орқали амалга оширилиши мумкин. Телеграм-бот ҳамда UzAutosavdo иловаси навбатни кузатиш хизматини ҳамда мавжуд автомобиллар ҳақида маълумотни тақдим этади.
